2013年4月19日星期五

MK倫



唉!我真的幾十歲人都「唔化」,現在還不時留意明星的微博,關注譚詠麟動向。倫伯的微博內容多數關於工作或與朋友玩樂。如在香港又無工作,倫伯經常晨早到旺角金魚街賣金魚,然後到附近茶餐廳食早餐,間中又會到麥花臣球場踢波。封譚詠麟為「MK倫」,實至名歸!

某次約了好友去波鞋街,我早到,於是跟據叔父輩的生活思維,自然去麥花臣球場一邊睇波一邊等候好友。幸運地,見到倫伯混入晨曦隊中,與人鬥波。看得出倫伯有「波底」,不過肚裏藏有兩隻燒鵝,已成為「柱躉式」中鋒!

當時,不少人都認出倫伯,不斷拍照,而其中有位少女見狀,即刻細聲跟母親說:「譚詠麟呀!」。跟着,一位小胖中婦突然從看台最高的一層半跑半跳到底層,高呼「AlanAlanAlan!」。倫伯禮貌式回應一下就繼續踢波,婦人又一邊呼喊一邊拍照,而女兒終於忍不住叫母親細聲點。不過我相信那個少女絕不後悔,因為她未必再有機會見到母親如此含情脈脈,加上那少女式跳步,真的百年一遇!

老實說,當時我也想呼喊一聲「阿倫你好嘢!保刀未老!」,但非常可惜的是,波叔老了!



沒有留言:

發佈留言