2011年5月14日星期六

鑽研香港電影之免費渠道


各位對香港電影感興趣,加以研究,又不想用一分一毫,花些心思,在香港很容易做到。無綫的節目水準大降,不置可否,不過爛船還有三根釘,以綜合電視台而言,推廣香港電影不遺餘力。

現時無綫的節目表,星期一至五深夜三點播放五、六十年代的黑白粵語長片,星期六深夜四點播放六十至八十年代初播放彩色粵語片 (包括港產片),星期日下午一點播放八、九十年代的港產片,星期日深夜四點播放六、七十年代的國語長片(包括黑白和彩色),另外近年的港產片和華語片則不定期在星期六夜晚九點或凌晨十二點播放。毫不諱言,本部落的影評用年代分類,靈感正來自這方法。

安坐家中,只要有一部電視機即可看到戰後到現在的香港電影,看得一年半載便看出演技門派之由來、電影公司如何選戲捧明星、不同劇種之承存和流失、不同風格導演等等,這樣可簡單瞭解港產片之演進。從文化處看,可研究粵劇電影令香港人隨口說出文言文或歇後語,港產黑社會片滿佈水滸傳式的情節和對白,香港電影大量改編新文化運動的小說 (應該在華人地區中最多),南派武館文化引發功夫片,由瘋狂抄襲西片到發展出自己風格,由黑白艷情喜劇拍到彩色情色片等等。

免費看戲,當然有不足之處,強如無綫,某些電影也有從缺之時。想看得更多更精,這便靠收費頻道的電影台,如美亞電影台、無綫電影台、天映頻道和有線電影台,當中以有線電影台最多種類,媲美無綫,一樣從五十年代播到現在。若果你有財有勢,首選必然買齊所有影碟,始終電視台會剪走血腥色情的鏡頭,若影碟絕跡於市面,可到電影資料館觀看。

自有數碼電視後,頻道多了,曾幻想兩大免費電視台會播放更多舊電影,亞視更曾在高清台以粵語片明星為專題介紹,請來文化人為此拍廣告宣傳。後來亞視高清台不再播粵語片,剛剛看節目表,亞視本港台已停播電影,包括粵語片 (逢星期日早上) 和港產片 (逢星期六或日晚上),只播韓劇和自家的舊劇。心情一沉,已來不切埋怨亞視,只怕無綫跟着做,到時戲迷損失甚大。我相信兩大免費電視台手持的片源,市面買不到,電影資料館也未必有,就算有,可能還在排期復修中,不會對外播放。近期在無綫看過一套由盧海鵬主演的《處決》(一九八一年),故事講盧海鵬在抵壘政策時期偷渡到香港,害怕傷殘的兒子給人欺負而用鎖鏈困在家中,是套幾好看的寫實片,可惜電影資料館沒有此片。

我不是無故擔憂,亞視剛剛換上新老闆,說要做什麼亞洲CNN,就變成這樣,事有湊巧無綫也剛剛換老闆。政府剛剛發出幾個免費電視台的牌照,電視台大戰一觸即發,所謂沙塵滾滾,殺錯良民,希望電影資料館盡快找無綫和亞視,研究如何保存一批無綫和亞視獨有的電影,這就公德無量。



註:香港電台製作《百年夢工場》,看後可對香港電影知其一二,如有興趣看下去,在youtube按「百年夢工場」便可。


註:伊雷主演的《谷爆》,相信只有在亞視看到。


註:無綫播放的《滾女搵老襯》,七十年代的豔情片,雖然剪走不少片段,仍有其價值。

14 則留言:

  1. 波叔,請問電視台的節目表,是否只得未來的一星期?如你所說,電視台會播放的舊電影有很多寶藏,但比較少看一般節目,很多時都不會留意節目表,若能查詢未來一個月會播放的舊戲便好了。

    回覆刪除
  2. 有些電影如"滾女搵老襯","太平山下","啼笑夫妻","星座奇趣錄","處決"這些七八年代電影(前四套電影是雷嗚發行),通常都會在星期六深夜播映,而且無綫擁有版權

    回覆刪除
  3. to:30 Something
    節目表應該只得一個星期,你要查多三次,別無他法,哈哈!

    回覆刪除
  4. to:Steve
    雷嗚很喜歡用「歡樂今宵」的藝人,不知是否這原因,無綫也很樂意播放.其實無綫擁有很多七八十年代的獨立製作,市面很難找到.

    回覆刪除
  5. 波叔 呢個星期六半夜做蠱惑佬尋春 又係雷鳴出品了

    回覆刪除
  6. to:匿名
    終於等到這套重播,睇戲名就知係猛片,只是看梁天也值回票價.

    回覆刪除
  7. 小弟睇咗粵語長片已有十幾年,記得嗰年我阿媽有事入咗醫院,仲係好嚴重嘅病,跟住佢老人家中咗風,近年仲過埋身。當時每晚探完佢之後返到屋企,開電視解悶,覺得D節目太現代化,都市化,好煩厭乏味,後來打開報紙電視節目表,先發現原來兩間電視台仲係深夜播放粵語長片,係細個時陪住我嘅節目,嗰陣時好想重拾細時同阿媽生活嘅回憶,所以用VHS錄起來得閒睇,初時只係睇完就洗,然後再錄,我對錄映質素又冇乜要求,亦唔諗到電視台會停播粵語片咁不近人情,所以一直冇keep copy,到宜家亞視停播,又唔知無線會唔會跟埋亞視一樣,皆因好難買到新DVD錄映機,所以局住去買咗一部二手DVD錄映機,仲駛幾舊水換咗個鐳射頭先至用得。我用LP mode,一隻碟唔使兩蚊可以錄兩套片,慳地方之餘仲合乎經濟效益。
    廿一世紀香港係一個冰冷、冇回憶嘅社會,一切舊事物會隨住城市高速發展而被湮沒,正如淘傑話齋,外國有一D電視頻道係專播黑白舊片,佢地會照顧唔同口味年紀觀眾,反觀香港就冇呢D有心嘅傳媒。所以我認為政府要運用行政手段令到電視台要照顧各階層觀眾,先至符合續牌條件。我覺得如果唔係數碼廣播令無線多幾個台好似J2咁,佢地一早就停播粵語片啦,而亞視多出嚟嗰D台根本唔啱香港人,佢地又唔及無線咁多資源,所以咪將D節目塞哂落本港台,我覺得佢地家吓想改變形象,主攻後生仔觀眾多D囉,但又唔明點解連每星期只係兩小時嘅粵語長片都取消埋,真離譜。

    回覆刪除
  8. to:匿名
    其實還有一些電影公司會推出粵語長片的影碟,不過點都不夠電視台多片的.你不用太悲觀,我相信數碼廣播興盛之時,香港會有粵語長片的專用頻道.
    看了咁多年亞視,這時期可算最差,日日精神自瀆.另外也不覺亞視主攻後生仔觀眾,後生仔只會用亞視來講笑話,不會看的.
    其實你有新款的數碼電視,就不需用錄映機,詳細可問問電器店.

    回覆刪除
  9. 波叔:

    七月十一日至八月中,無線可能暫停播映粵語長片,改播一套日本卡通「火影忍者」,呢套卡通J2都有播,點解連翡翠台傳統深夜粵語片時段都攞嚟播卡通,其實D細路喺J2都可以睇到啦,何解要犧牲粵語片迷嘅選擇權,希望無線積番D陰德,過咗暑假播翻粵語長片,唔喺永遠停播啦。

    回覆刪除
  10. to:匿名
    唔使太過擔心,以往也曾因為暑假而停播一輪粵語長片.香港咁多窮人,不是每個細路都有數碼電視睇J2,忍耐一下啦!

    回覆刪除
  11. 波叔:

    今朝睇番TVB個網,七月十二號又有番粵語長片,真喺皇天不負有心人,希望佢哋繼續落去,相信大部份鍾意粵語片都喺老人家同埋弱勢社群,播映粵語長片呢個訊息喺對長者、已故影星同埋舊香港嘅一種緬懷同尊重,劇情更反映正面意息,喺作為香港唯一大台無線應負嘅社會責任。

    回覆刪除
  12. to:匿名
    都說不用擔心,如以前有留意TVB播粵語長片,會發覺他們有點花心思的!

    回覆刪除
  13. 波叔:

    睇吓無記個節目表,發覺呢個月有兩套粵語長片喺四、五月嗰陣播過,就喺碧血金釵一至四集同埋半壁江山一美人,唔通佢哋D粵語片喺得咁多存貨?希望唔喺啦。

    回覆刪除