2010年4月4日星期日

【黑社會】杜琪峯作品

導演:杜琪峯
執行導演:羅永昌
編劇:游乃海、葉天成
剪接:譚家明
音樂:羅大佑
演員:任達華、梁家輝、王天林、王鍾

當年不少人入場為看黑社會鮮為人知的秘聞,看完才知講政治選舉。本片2005年尾上映,之前香港發生董建華下台,眾人對特首一職虎視眈眈。編劇將此情況代入黑社會爭「龍頭棍」,以鄧伯為首的幫會長老代表「阿爺」(中央政府),選出新龍頭(新特首)。這種小圈子選舉方法,自鄧小平死後,領導人一職由少數元老級黨員欽點,只不過將此玩法由內地移植到本港。

電影有冇心指中國共產黨為黑社會,真係無從稽考,但非常曖昧。《以和為貴》明顯講香港政治選舉,反轉諗第一集講什麼?如果兩集同樣講香港,為什麼要開兩集,唔通要回本或單純人物延續?杜琪峯在製作特輯講香港黑社會和外國不同,開始為反清復明,有理想,日久他們只為金錢權力鬥爭,忘記昔日因義而聚。可能本人穿鑿附會,也可能權力鬥爭來來去去都是這樣,巧合而已。

綜觀故事,只見探討權力鬥爭,無再深一層的暗示。橋段都是一般黑社會爭地盤及利益,樂少和大D由對立到稱兄道弟,直到結尾樂少因大D要求兩人同做話事人,失驚無神用石頭打死大D。兩隻野狗本各有地盤,其中一隻誤闖或想走入它方,另一隻勢必以死相博,大D之死正表達到權力可怕之處。其他場面比較深刻是梁家輝一邊叫人去有骨氣,一邊踢木頭箱落山,盡顯野蠻霸道。

成套戲最大驚喜,莫過於演員方面,應特別指一位配角,就是飾演吹雞的王鍾。本人最近睇王鍾演出的作品,要數周星馳的《武狀元蘇乞兒》。重看《黑社會》才認出王鍾,昔日常演火爆幹探,到今天要落草做龍頭大佬,幾有新鮮感。看杜琪峯作品,有時會係演員上令人驚喜,可能演員表現有突破或戲中出現一些久違的演員。


註:製作特輯


舊回應:
麥don鴻 2009-01-13 12:04
杜琪峯d戲只係識得一味玩影像同出力玩氣氛營造,d故事往往有殼無心唔夠深入,編劇一無韋定輝既宿命灰調味,杜sir d懶型氣氛當堂接唔上,完全唔知點解個氣氛要咁做出黎,但當配合韋氏既劇本,往往就撞出化學效果,所以杜琪峯都係唔好再"單飛"喇!!! 佢個套所謂風格,以前佢係tvb d電視電影都已經見過晒.........可以講未見佢又新風格出
醒波2009-01-13 23:51
杜琪峯無編劇底,真係冇計。你講得好,杜琪峯拍攝技巧配韋家輝的宿命故仔,黑配灰,配到絕。問題係杜琪峯現時亦冇第二個選擇,游乃海和葉天成的故仔始終太正路,不夠絕,不夠盡,形成畫面和故仔「各走各路」,杜琪峯又不改拍法。如麥兄所言,一味玩影像,有時真係俾佢吹脹,唯有自行篩選。不過有一樣我對杜琪峯十分欣賞,現今少數拍真正港產片,不是合拍片(偽港產片)。

沒有留言:

發佈留言