2010年4月3日星期六

【誤人子弟】葉偉信導演


導演:葉偉信
編劇:谷德昭、郭偉鐘、葉偉信、鄭文輝
演員:林海峰(飾林 Sir)、黃秋生(飾黃 Sir)、徐子淇(飾 Miss李)

事先聲明,本片不是感天動地的校園電影,看看編劇陣容,便知是套無聊笑片。故仔簡單,橋亦舊式,林海峰和黃秋生的教學生涯已走向工廠化程式,上課,改簿,開會,下課,對學生一舉一動都莫不關心。直到滿腔熱血的代課老師徐子淇出現,對兩人帶來教學和愛情的衝擊,分別作出追求,最後林海峰贏得美人歸。

故事似無線電視劇,先講主題,往後回到「愛情三角銼」,問你死未!條愛情線不提也罷,徐子淇選擇嫁人都算有明知,加上林海峰可謂木頭遇上黑面神,挑戰者黃秋生正值發水麵包時期,呢個愛情組合真係災難。不過校園生活細節卻觸動到我,奇怪在影片中的人和事與本人學生時代頗似。一開場介紹日山中學各位老師,位位皆似騎籬蟈,擁有不同嗜好,此幕寫實兼反傳統,細味下很有意思。學生多思想單純,以為老師定必道貌岸然,只埋首鑽研學術,不會炒股、炒樓、食煙、溝女等等,當有日在街上遇到老師作上述行為,才恍然大悟,老師也是人一個,猜想大家也有此體驗。

當然片中林海峰和黃秋生在舊同學李健仁半推半就下,到夜總會玩學生妹之夜較誇(不過確有其事),亦是全片最正一幕。典型處境笑話,老師情慾所至去嫖,人之常情,公關小姐卻是學生妹,又有違道德倫理。黃秋生演繹到可謂欲「擒」又止,鬼鬼馬馬,被捉回差館兼上報紙頭條,返到學校被人指指點點,尷尬非常,秋生哥真係入形入格,正!其他演員中留下深刻印象還有蜥蝪仔,演一個有大近視的窮學生,因看不到黑板而常常八欠交功課,被蘭茜痛罵,最後由細心的徐子淇發現,送他一副眼鏡。這幕頗感人,每位老師行多一步,拿出多少少愛心,學生會有所感受,自然步向正途。本片演員的演技大多屬學生級,大橋又中規中矩,不過講師生關係的細節,寫得不錯,看罷,使你回憶學生時代,會心微笑一翻。





註:補習天王





註:介紹老師





註:六十年代的校園片,大家點睇?我只說古有岳飛,今有胡楓,哈哈!


舊回應:
LoUiS.AsK 2009-05-29 11:41
呢套真係好攪笑下........仲有8兩金呀.........
醒波 2009-06-02 00:34
八兩金做家長個段,講家長日百態,幾黑色幽默,好好笑!
麥don鴻 2009-03-22 00:49
呢套輕鬆小品,D笑位笑得出之餘,都唔算太低俗,好似林海峰話徐子淇係處女座,所以要揸翻個象徵物,點知俾卷保鮮紙佢,然後拉長,意思當然就係人都知點解,佢地其實可以講明點解點解,或者可以直接講拎卷保鮮紙,就係代表處女膜。不過佢用左呢個隱喻去表達,觀眾除左覺得唔低俗反而過癮之外,亦算表達到樂而不淫既喜劇效果。
其實套戲雖然係葉偉信導演,不過谷德昭既影子就隨處可見,特別係對白方面,就真係一睇就知係谷德昭手筆.................呢套戲雖然唔算好正,不過當喜劇睇,真係比葉念琛個D所謂喜劇,超班百九幾倍
醒波 2009-03-25 20:58
係無聯想保鮮紙與處女的關係,比你講一講,又係好似,這暗示手法幾高。其實套片啲笑話及劇情,要對日常生活敏感才好笑,不然會覺無聊。
葉偉信拍了不少輕鬆小品,水準也不差,覺得他對日常生活觀察細緻,才可以將平淡的情節令人有感覺,留意下他差不多套套戲都有食飯戲(就算生化壽屍都有),每次都配合到故事,幾喜歡他的戲。
葉念琛回塘之快令人驚訝,正式來講得一兩套戲見得人。
BS2 2009-03-18 08:29
呢套雖然唔算係葉偉信嘅佳作, 不過我都覺得幾過癮幾好笑o架!
醒波 2009-03-18 23:01
輕輕鬆鬆的小品,我就覺得幾過癮。
歷史狂徒 2009-03-17 22:57
四叔的新抱,個時啱啱出道,真係好靚好sweet
醒波 2009-03-17 23:32
樣係正,不過聲唔掂!

沒有留言:

發佈留言