2010年4月4日星期日

【提防老千】王晶作品

導演、編劇:王晶
演員:張家輝、王晶、陳煒、張兆輝、陳苑淇、吳毅將

本片王晶搭張家輝不是喜劇,卻是傳統的劇情片。故事大橋老千騙老千,計中計式老千片,令人諗到王晶再向《老千計狀元才》致敬。不過此片故事結構特別,萬綠叢中一點紅,全片角色皆好人,唯張家輝壞人一名。透過設計場面,逐一逐一將角色展示出本來性格,好人本性。

一聽之下,老土不堪,問題卻不是老土,係不合人情,眾好人的邏輯思維不是今人所想,也不是古人所想,簡單一句「唔係人的思維」。片中王晶迷魂陳苑淇,一不強姦,還道出她的老公張家輝不是好人,最過份係還送錢給她用來養老。大家評評理,當中有邊件事係人諗,全是自圓其說!其實張家輝的角色設計幾好,藉坐監過冷河再享受鉅款,貪財性格鮮明。可惜片中不同演員演繹同一種好人性格,和奸角冇形成令人信服的對立面。結局「穿橋」時,主角王晶和張家輝對抗原因都不充足。在冇對手下令張家輝演獨腳戲,再好戲都死啦。

點解一直用「好人」形容角色的性格,因為本片冇深入描寫眾好人角色的個性,不知「好」在孝順、正義、老實等等。他們戲中生存目的,只知對付壞人張家輝,用卡通片邏輯推敲,不是壞人即是好人。王晶耍小聰明,簡單化的黑白對立情節,模糊人物性格,以為可以過關,可惜過不到觀眾那關。本片另有名叫「罪有應得」,真心笑了出來,有意思。不只王晶,現在所謂的港產片,永遠會在劇情的關鍵位窒礙難行,難有好戲。戲迷不是傻,下次會不賣帳,好在香港有西片睇,平衡一下。 


舊回應:
Lam Lam 2009-01-07 12:21
呢套好近期囉!我近年都好少睇佢既戲!
醒波2009-01-07 20:42
近年王晶最出名係「雀聖」,問你死未!
麥don鴻 2009-01-06 13:01
其實套戲都王晶一貫好人對壞人既千片,故事其實大剛唔錯,不過人物刻劃膚淺唔深入,好人選角嚴重錯誤。王晶臨老不理正事,只係做收銀等收錢,成個故事入面亂晒籠又唔理,只係一味扮型做千王俠士同抽陳瑋水,好可惜佢唔係劉華發哥,雖然佢想做一個草根平民化但英雄味少既老千形象,不過佢D演技真係屎到仆街同無吹服力,只係覺得王晶好扮野.............好在張家輝演出都無失準,好彩好彩
醒波2009-01-06 19:58
我覺得王晶從不選角,只用自己「馬房」。劇中除張家輝角色有描寫外,其他則非常表面化。真係唔知而家王晶諗緊咩,佢個套係大陸唔work,搞出來的合拍片電影香港又唔buy,錢又搵唔得多,真係見到王晶都驚。王晶可能聽到你的意見,最近開套咩未來警察,主角係劉華,不過都係合拍片,小心!我諗王晶今次冇得抽水,麥兄唔使咁火,哈哈!

沒有留言:

發佈留言