2010年4月4日星期日

梁政珏@同事三分親


睇《同事三分親》時留意到飾演MayMay的梁政珏,覺得她幾靚,樣貌有個性,不似現時典型靚界女神,大眼仔、掃把眼睫毛、金髮等等,一式一樣。之後越看越似某位明星,說到嘴角,卻一時又想不起。不過隨後她在《同事三分親》演出多了,終於想起,她有幾分似張曼玉。演技也十分似,當然指她似初出道張曼玉,哈哈!以新人來說首部戲已擔任第二線角色(未見過她做笳喇蘇,可能少睇無線。),可見出道已經破受無線重用,以為力捧。之後卻峰迴路轉,參演正式戲劇時多做閒角,甚至做獎門人取犀Game給獎老們意淫一番,不知是否因演技不濟,要多作磨練。

不知她命運會否像新小龍女李若彤和只拍一片的模特兒Danielle Graham一樣,有精緻外型,事業發展一般。希望梁政珏投入多些時間在演戲上,殺出一條血路,成為張曼玉第二。現今香港演藝圈流行捧鄰家女孩,本人不懂欣賞,難聽講一句她們言行顛狂,樣貌平庸兼公式化,明星不應如此。


註:出位了


舊回應:
icicle 2008-12-19 19:59
「同事三分親」係近年TVB不當觀眾白痴的好戲。 百分百同意!電視劇最白痴的地方就是永遠來來去去嗰班人,兩兄弟鍾意埋同一個女仔都算喇,重要個女仔咁啱又係自己表妹,全家人個個冇同事冇朋友冇舊同學,全個世界就係屋企。現實生活唔係咁咖嘛,我細妹的男朋友跟我唯一的關係就係佢係我細妹男朋友,唔會咁啱我同佢舊情人有十冤九仇然後佢阿爸又曾經暗戀過我阿媽......「同事三分親」的人際關係正常好多,幾個主角都有自己的朋友和親人圈子,嬲你都係嬲幾日,唔會集集大龍鳳,可惜而家冇得睇啦......
醒波2008-12-20 00:35
「同事三分親」貼近現今香港人性,令人共鳴。大龍鳳或十冤九仇不是問題,不過要有戲味,有原因先得架。有時諗演白痴劇的演員,演技可否進步?結論係演員變成白痴者多。
麥don鴻2008-12-02 21:57
真人見過佢搭地鐵,好濃妝,幾高下應該有5.7",身材唔錯不過樣就無上鏡咁懶清純同靚喇!!!
醒波2008-12-02 22:26
睇獎門人都知她身材唔錯,哈哈!樣就有個性啦!
Elle 2008-12-02 05:20
男演員的壽命唔知係唔係俾女演員為高。「同事三分親」- 一套我近期好喜歡的一套劇集,令一班男路人甲乙丙冒出頭。趙永洪&徐榮。佢兩個捱咗成10年至有今日。試問有幾多女茄哩啡可以。也許有。不多。我諗到嘅~簡慕華。即Doris。
醒波2008-12-02 19:50
生理問題,男演員老了還要拍戲,女演員婚後往往息影,哈哈!女茄哩捱成10年,真係想不到,計唔計苑瓊丹?另「同事三分親」係近年TVB不當觀眾白痴的好戲。

沒有留言:

發佈留言