2010年4月4日星期日

電影發展基金計劃係港產片「棺材釘」?(下)【南韓取經】

現在電影人常常話南韓政府大力支持電影界,形成韓流,令業界得益。南韓想借電影向世界宣傳該政府,從而大量投入資金。但現實係近年南韓電影十部有九部蝕,政府要求電影人減薪。問問大家香港有幾部韓片收過千萬,好似得《我的野蠻女友》一部。

南韓除資助電影外,還有行政手段。南韓政府要求大財團買戲票,香港電影商見到就開心,自己唔使搵老世,政府幫手做。但香港人接唔接受呢?因為有好大機會造成政府官員和大財團利益輸送。南韓還限制外國電影入口,前年睇新聞南韓電影工作者為政府放寬外國電影入口而罷工抗議。如果此限制發生在香港,西片上映少,可能越來越少人入戲院睇戲。

南韓電影振興委員會公佈「2008年上半年南韓電影產業結算報告書」。統計顯示,從今年一月至七月,共有二百三十三部電影在南韓上映,觀眾總數累計達到了七千○十四萬人次,其中,南韓本土片的觀眾數為二千六百萬人,而海外影片的觀賞人數總計則達到了四千四百○七萬人次。南韓本土片的觀眾佔有率為37.2%,而票房收入份額佔總收入的35.7%。

註:今年上半年最賣座南韓電影《追擊者》,睇過味?

有人話政府投資電影造成旅遊等周邊收益更大。但點解要投資電影唔係文化或體育?到時投資失敗,至少市民會識多些字或者身體強壯些。現在香港政府資助電影計劃好似好少人參加,應該係好事來。政府資助越大,業界倚賴越重,到時只會扼殺人才。政府角色應提供自由空間給製作人創作電影及公平工作環境(不只方便成龍和西片拍街景)。

沒有留言:

發佈留言